2023-yil 3-fevral kuni Yevropa Ittifoqining O‘zbekistondagi elchisi Sharlotta Adrian xonim va YUNESKOning O‘zbekistondagi vakili Sara Noshadi xonim Xorazmdagi Qo‘shko‘pir suv xo‘jaligi va melioratsiya kollejiga tashrif buyurishdi. Kollej YUNESKO tomonidan amalga oshirilayotgan va Yevropa Ittifoqi tomonidan moliyalashtirilgan “O‘zbekistonning qishloq joylarida ishga joylashish ko‘nikmalarini rivojlantirish” loyihasining to‘rtta tajriba ta’lim muassasasidan biri hisoblanadi. Loyihadan ko‘zlangan maqsad Professional ta’lim strategiyasini ishlab chiqishni jadallashtirish, qishloq va suv xo'jaligi tarmoq malaka kengashlari faoliyatini qo‘llab-quvvatlash, to‘rtta kollejni innovatsion uskunalar bilan zamonaviylashtirishdan iborat. Loyiha xodimi Mariko Fujisava xonim ishtirokchilarga Qoraqalpog‘iston, Xorazm, Buxoro va Surxondaryo viloyatlaridagi kollejlarning infratuzilmasini dastlabki baholash ishlari yakunlangani va shu yilning bahorida ishlar boshlanishi haqida ma’lumot berdi. Davra suhbatida Qushko‘pir shahar hokimining o‘rinbosari, professional ta’lim bo‘limi boshlig‘i, suv xo‘jaligi bo‘limi boshlig‘i, qishloq xo‘jaligi boshlig‘i o‘rinbosari, kollej direktori kabi mahalliy davlat hokimiyati organlari xodimlari ishtirok etdi. Xasanov Zafar kollejda mavjud bo‘lgan o‘quv mashg‘ulotlari va o‘qitiladigan mutaxassisliklar bilan tanishtirdi va ishtirokchilarga hududda zarur bo'lgan malakalar haqida ma’lumot berdi. Loyiha haqida batafsil maʼlumot olish uchun Telegram kanalimizga tashrif buyuring: https://t.me/tvetuz

“O‘zbekistonning qishloq joylarida ishga joylashish ko‘nikmalarini rivojlantirish” loyihasining uchinchi komponenti Qoraqalpog‘iston Respublikasi hamda Xorazm, Buxoro, Surxondaryo viloyatlaridagi 4 ta qishloq va suv xo‘jaligi professional ta'lim muassasalarini yangilangan o‘quv dasturlari hamda jihozlar bilan zamonaviylashtirishga qaratilgan. 2023-yil Yanvar oyida loyiha guruhi ta’mirlash ehtiyojlarini baholash maqsadida muxandislik kompaniya bilan birgalikda 4 ta tanlangan ta’lim muassasalariga tashrif buyurdilar. Keyinchalik, ushbu hudud mehnat bozori talabiga binoan, ustaxonalarga asboblarni o'rnatish ko'zda tutilgan. Muvaffaqiyatli hamkorlikni ta’minlash maqsadida tegishli vazirlik va hududiy boshqarmalar vakillari ham tashriflarda ishtirok etdilar. Manfaatdor tomonlarga shu kungacha amalga oshirilgan va bu yilga rejalashtirilgan tadbirlar to'g'risida ma’lumot berildi.

O‘zbekiston Respublikasi Prezidenti Oliy Majlis va O‘zbekiston xalqiga Murojaatnomasida YUNESKO bilan hamkorlik, xususan, yaqinda o‘tkazilgan yosh bolalarga g‘amxo‘rlik va ta’lim bo‘yicha Butunjahon konferensiyasi hamda ta’lim sohasidagi islohotlarda hukumatni qo‘llab-quvvatlayotgan "O’zbekistonning qishloq joylarida ishga joylashish ko’nikmalarini rivojlantirish” loyihasi haqida to‘xtalib o‘tdi.

Yevropa Ittifoqi tomonidan moliyalashtirilgan “O‘zbekistonning qishloq joylarida ishga joylashish ko’nikmalarini rivojlantirish” loyihasini faoliyatlaridan biri qishloq va suv xo'jaligi sohalarida Milliy Mashg’ulot Standartlarini yangilashdan iborat bo'lib, bu qishloq va suv xo'jaligi sohalarida Tarmoq Malaka Ramkalarini yangilashga olib keladi. 7-9 Noyabr kunlari qishloq xo'jaligi sohasi uchun tayyorlangan Funktsional xaritalarni tasdiqlash va ushbu soha uchun Milliy Mashg’ulot Standartlarini ishlab chiqish bo‘yicha uch kunlik seminar tashkil etildi.

YUNESCO tomonidan amalga oshirilayotgan, Yevropa Ittifoqi tomonidan moliyalashtirilgan “O’zbekistonning qishloq joylarida ishga joylashish ko’nikmalarini rivojlantirish” loyihasi qishloq va suv xo’jaligi sohalarida Tarmoq Malaka Kengashining (TMK) faoliyatini qo’llab-quvvatlomoqda. Loyiha doirasida tashkil etilgan Suv xo’jaligi Tarmoq Malaka Kengashining ochilish marosimida Suv Xo’jaligi Vaziri, Mehnat Bozori Tadqiqotlari Instituti Direktori, Yevropa Ittifoqining O‘zbekiston Respublikasidagi delegatsiyasi siyosat, matbuot va axborot bo'limi rahbari, YUNESKOning O’zbekistondagi Vakolathonasi rahbari kabi nufuzli mutasaddilar va loyihaning boshqa manfaatdor tomonlari ishtirok etishdi. O’zbekistonda 2020-yil, dekabr oyida 29 ta tarmoq bo’yicha TMKlari aniqlandi va tashkil etildi. O’zbekiston Respublikasi Prezidentining 4939-sonli qarori bilan O’zbekiston Prezidenti tomonidan ularga yuklatilgan muhim rolni e’tirof etgan holda, loyiha o’quv seminarlar o’tkazish orqali TMKlari salohiyatini oshirish bo’yicha ish olib bormoqda va xorijiy mutaxassislar boshqa mamlakatlardan saboqlarni namoyish etdilar. Shuningdek, loyiha qishloq va suv xo’jaligi sohalarida Milliy Mashg’ulot Standartlarini ishlab chiqmoqda, bunda suv va qishloq xo’jaligi TMKlari faol ishtirok etmoqdalar.

1-2 noyabr kunlari O‘zbekiston Respublikasi Bandlik va mehnat munosabatlari vazirligi huzuridagi Mehnat bozori tadqiqotlari institutida “Milliy malaka tizimini rivojlantirish, kasbiy standartlarni ishlab chiqishda xalqaro tajriba” mavzusida amaliy seminar tashkil etildi. Janob Lin Stenton – Yevropa Ittifoqi tomonidan moliyalashtirilgan “O‘zbekiston qishloq joylarida ishga joylashish ko‘nikmalarini rivojlantirish” loyihasining eksperti xalqaro tajribani taqdim etdi va institut mutaxassislari bilan malakalarni ishlab chiqish va kasb standartlarini ishlab chiqish bo‘yicha muhokama o‘tkazishga yordam berdi. Yangi Zelandiyadan kelgan mutaxassis ta'lim sohasida 40 yildan ortiq tajribaga ega, dunyoning ko'plab mamlakatlarida Milliy malaka asoslari, milliy kasbiy standartlar va sifat kafolati tizimini ishlab chiqishda chuqur tajribaga ega.

Yevropa Ittifoqi tomonidan moliyalashtirilgan “O‘zbekistonning qishloq joylarida ishga joylashish ko’nikmalarini rivojlantirish” loyihasini faoliyatlaridan biri qishloq va suv xo'jaligi sohalarida Milliy Mashg’ulot Standartlarini yangilashdan iborat bo'lib, bu qishloq va suv xo'jaligi sohalarida Tarmoq Malaka Ramkalarini yangilashga olib keladi. 24-26 oktabr kunlari suv xo'jaligi sohasi uchun tayyorlangan Funktsional xaritalarni tasdiqlash va ushbu soha uchun Milliy Mashg’ulot Standartlarini ishlab chiqish bo‘yicha seminar tashkil etildi.